Зүрхний өвчин гэдэг нь зүрхний хэвийн үйл ажиллагаанд аливаа эмгэг үүсэхийг хэлдэг. Зүрхний өвчин маш олон хэлбэртэй. Үүнд: согтууруулах ундааны хордлого, артерийн, төрөлхийн зүрхний өвчин, зүрхний шок, зүрхний шигдээс, зүрхний дутагдал, зүрхний хавдар, архаг ангина ордог.
Зүрх судасны эмгэг үүсэх хамгийн түгээмэл шалтгааны нэг нь зүрхний булчинд цус дамжуулагч артерийн судас нарийсах, эсвэл бөглөрөх явдал юм. Зарим зүрх судасны эмгэг нь төрөлхийн байдаг (төрөлхийн зүрх судасны эмгэг). Мөн зүрхний хэмнэл хэвийн бус байх, зүрхний хавхлагын үйл ажиллагаа хэвийн бус байх, цусны даралт ихсэх, ямар нэгэн халдвар, хортой бодисоос үүдэн зүрхний цохилт удааширна.
Зүрхний шигдээс нь зүрхний цусан хангамж хаагдсанаар зүрхэнд хангалттай хүчилтөрөгч хүрэхгүй тохиолдолд үүсдэг. Үүнээс үүдэн зүрхний булчин ажиллагаагүй болох, эсвэл тэр чигтээ гэмтдэг байна.
Цээжээр өвдөх нь зүрхний шигдээсийн гол шинж тэмдэг. Өвчин зөвхөн биеийн тань нэг хэсэгт мэдрэгдэх, эсвэл цээжнээс гар, мөр, хүзүү, шүд, эрүү, гэдэс орчим нуруу руу шилжиж өвдөнө. Өвчин хурц, эсвэл зөөлөн байна. Цээж давчдах, хоолны шингэц муудах, цээж хүндрэх, даралт ихсэх гэх зэрэг шинж тэмдэг мэдрэгдэнэ.
Өвчин ихэнхдээ 20-оос илүү минут үргэлжлэх бөгөөд энэ тохиолдолд тайван амраад, эмчийн зөвлөгөөгөөр эм уух хэрэгтэй.
Зүрхний шигдээсийн үед уурлах, ханиалгах, ухаан балартах, толгой яльгүй өвдөх, эргэх, зүрхний цохилт олшрох, амьсгал давчдах, маш ихээр хөлрөх шинж тэмдгүүд илэрдэг. Зарим хүмүүсийн (чихрийн шижин өвчтэй настай хүмүүс, эмэгтэйчүүд) цээж бараг өвддөггүй байна. Эсвэл хэвийн бус шинж тэмдэг (амьсгал давчдах, ядрах, сульдах) мэдэрдэг аж.
“Чимээгүй зүрхний шигдээс” гэдэг нь ямарваа шинж тэмдэг илрэхгүй зүрхний шигдээс үүсэх юм. Ихэнх зүрхний шигдээс нь артерийн судсыг бөглөдөг цусны бүлэнгээс үүсдэг байна. Зүрхний артерийн судас нь зүрхэнд цус, хүчилтөрөгч дамжуулах үүрэгтэй аж. Хэрэв цусны эргэлт зогсвол зүрх хүчилтөрөгчийн дутагдалд орох төдийгүй эсүүд нь үхдэг байна.
Зүрхний шигдээс нь дараах зүйлсээс үүсэх боломжтой. Үүнд: Хөгцийн үүсэл удаан байх зүрхний артерийн судасны ханыг бараг бөглөдөг байна. Зүрхний шигдээс нь хангалттай хүчилтөрөгч бүхий цус уг ханаар дамжиж чадахгүй байхад үүсдэг. Зүрхний шигдээс нь уг цусны бүлэн зүрхэнд очих хүчилтөрөгчөөр баялаг цусыг хааснаас үүсдэг. Заримдаа гэнэтийн их стресс зүрхний шигдээс үүсгэдэг.
