ЗөвлөмжМэдээЦусны даралт ихсэлт

Артерийн судас өвчлөх шалтгаан

Эрүүл артерийн судасны хана уян хатан, бат бөх бас хүчтэй байдаг. Артерийн судасны ханаар жирийн үед цус чөлөөтэй урсаж амин чухал эд, эрхтнүүд рүү хүчилтөрөгч болон шим тэжээлийн бодисуудыг хангалттай хэмжээгээр зөөвөрлөн хүргэдэг. Таны цусны даралт ихсэх үед таны артерийн судасны дотор ханын даралт ихсэж, аажмаар янз бүрийн бэрхшээлүүд үүснэ. Үүнд:

Артерийн ханын гэмтэл болон нарийсалт болно

Цусны даралт өндөр байх нь таны артерийн дотор ханы доторлогооны эсийг гэмтээнэ. Үүний дүнд артерийн судасны хана нь зузааран хатуурч, уян хатан чанараа алдаж, хөшүүн болж эхэлдэг. Таны хоол хүнсээр орсон өөх тос таны цусанд орж гэмтсэн энэ эсүүдээр дайран өнгөрөхдөө тэнд зарим нь хуримтлагдан овоорсноор артерийн хоолой нарийсдаг. Ингэснээр артерийн дотор чөлөөтэй эргэлдэх цусны урсгал хязгаартай болж эхэлнэ. Эдгээр өөрчлөлтүүд нь таны зүрх, бөөр, тархи, гар, хөлийн гэх мэт таны бүх л бие даяарх артерийн цусны урсгалын чөлөөтэй урсгалд нөлөөлнө. Энэ нь маш олон шинжээр жишээ нь цээжний өвдөлт (ангина), зүрхний шигдээс, зүрхний дутагдал, бөөрний дутагдал, тархины цус харвалт, таны хөл болон гарын хаагдсан артерийн (захын судасны өвчин), нүдний гэмтэл аневризм зэрэг шинжээр илэрч хүндрэнэ.

Аневризм

Даралт ихэссэнээс хойш тодорхой цаг хугацааны дараа артерийн судасны дотоод даралт ихэссэнээс болж зарим газартаа артерийн хана нимгэрэн томорч сулран, эргэн хэвийн байдалд орж чадахгүй болж, уян хатан чанараа алдан товойж цүлхийдэг. Энэ нимгэрсэн товгор хэсгийг аневризм буюу цүлхэн гэж нэрлэдэг. Энэ товгор хэсэг нь артерийн судасны даралт дахин ихсэхэд хэт нимгэн учраас амархан бүлтэрч, цоорч болзошгүй амь насанд аюултай цус алдалтыг үүсгэх эрсдэлийг үүсгэдэг. Aневризм нь таны биеийн аль ч артерийн судсанд үүсэх боломжтой бөгөөд гэхдээ тэдгээр нь таны биеийн хамгийн том артерийн судас болох гол судас буюу аортын судсанд хамгийн түгээмэл үүсдэг.

,
“Улаанбаатар хотын хүн амын дунд артерийн даралт ихдэлтийн тархалт болон түүний талаарх мэдлэг, хандлага, дадлыг тодорхойлох” судалгааны ажлыг амжилттай явууллаа.
ИОГООР ХИЧЭЭЛЛЭГСДИЙН НИЙТЛЭГ ГАРГАДАГ 7 АЛДАА
Menu